قصة مؤثرة جدا لن تندم عن قراءتها

 غاضتني و الله 😢
 
على 6 صباح نضت كي العادة نوجد فطور دخلت للكوزينة عند الباب حكمتني الدوخة قريب طحت حكمت روحي بالسيف باش مانطيحش نخلع الدراري وراجلي ريحت على كرسي واحد 5 دقايق ونضت قلبي مقبوض وحابة نرجع نتقيا .
كملت هاداك الفطور بالسيف عليا وجدت الطابلة ورحت عند راجلي نوضو قبل مانكمل نحكيلكم على راجلي .
تزوجتو عن قصة حب 6 سنين كي ديت الباك تعرفت عليه كملت 5 سنين وجا خطبني كنت اسعد واحدة في الدنيا لي يجبدلي عليه عينيا يلمعو نحبو لدرجة الموت وين نسمح في روحي عليه لكن بعد الزواج تبدل كلش مانعرف ادا المسؤولية ولا الحب مات كنت مكتئبة منصدمة كيفاش لي حبيتو تبدل مرة في العام نسمع كلمة حلوة لي نقدر نوصفها مصلحة كي نكون عيانة مانيش قادرة نعطيلو لي حابو (الفراش) زادت سماطت الحياة وقتلها الروتين حتى جبت توام ذكر لهيت بيهم و حتى هو زلا مهتم بالدار اكتر غير على جالهم الحق حنين بزااف
نولو للحكاية رحت نوضتو شافني مصفارة سقساني قتلو مابيا والو عيانة اعطاني ظهرو وناض كلمة ماقالها غاضتني عمري انا واش في الدار لعبة جنسية في الليل و في نهار آلة قتلو عيانة كان قادر يقلي ريحي ماتعبيش روحك اي مرا كلمة تقدر تفرحها بالعكس ناض غسل وفطر جا لقاني مكسلة قالي امسحيلي صباطي راني مزروب نضت مسحتو والدمعة في عيني كنت اول مرة نحس هكدا لخاطر والفت طبايعو عادي ولا كيما يقولو تقبلت. وتحطيت تحت امر الواقع .
كانت مازالها بيا الدوخة والقيا نضت درت شوي شيح قلت نشربها وخلاص .
قعدت داك نهار هكداك ولا لعشية شافني مصفارة قالي وشبيك زاد عليك الحال قتلو ايه وماطيبتش الفطور خفت ندوخ ونخلي الغاز دراري صغار قالي وجدي روحك نديك للسبيطار قتلو والدراري قالي نديهم عند يما , هبط دراري ليماه وكنت متأكدة سمعاتو كلام وعايرتني كي لعادة ملي تزوجت حاطة دابها من دابي مزية نروحلها غير في لعياد .

وصلت للسبيطار دخلت للطبيبة شافتني صفرت بزااف سقساتني ادا كاش ماكليت والا رفدت تقيل وبزاف حوايج دارولي لي زاناليز ظهرت بالحمل تخلعت شفت في الفرملية قلتها بصح العادة غير كيما جاتني قالتلي تصرا نورمال ديت لي زاناليز للطبيبة قالتلي راكي في الاسبوع 6 و اعطات برية للراجلي قالتلو هادو لي زاناليز ديرهم و ديهم للقسم طب الداخلي سقساها السبة قالتلو مازال باش يبان ولازم تزرب. نضنا صباح داني درتهم ورحنا للطبيب شاف مليح وبقا غير يقلب يقلب وقالي مدام معليش تخرجي خزرت في راجلي وقالي اوكي روحي للطونوبيل درك نجي قالو الطبيب لالا تستنى شوي هنا درك نزيد ندخلهاانا خرجت وقلبي مقبوط خفت البيبي يكون مريض خفت يقلي طيحوه هدر معاه 15 دقيقة حسبتهم بالثانية اي ام راح تفهمني . خرج راجلي مقلب وجهو رحت ليه قتلو من اللخر غير وليدي مانطيحوش قالي ادخلي ادخلي

يفرج ربي دخلت الفرملية معايا وراجلي ريح برا طلب مني طبيب نحي حوايجي نحيتهم و بقا يلمس في صدري ويسقسيني ادا يوجع حتى وصل لبلاصة حط صبعو عليها و حكملي يدي شدها وحطها تماك سواسوا وقالي شفتي هاد الحبة من وقتاش كاين قتلو عندها 6 شهور هكداك وقالي علاش ماجيتيش قتلو سقسيت قالولي ولسيس كي ترفدي وترضعي يروح زعف وقالي يا مدام الطبيب لي يعرف ماشي هوما . البسي حوايجك وارواحي .
لبست وانا مخلوعة وحابة نبكي واش كاين واش صرا ريحت وجابتلي الفرملية كاس ما وحطاتو قالي :
مدام ربي كي نزيدو يكتبلنا في الدنيا هادي قدرنا والحمد الله احنا مسلمين لا اعتراض على قدره وقضائه وكي يحبنا ربي يبتلينا وامرنا بالصبر ولااستغفار و راجلك قالي ايمانك قوي والحمد الله راه باين قتلو الحمد الله بصح واش كاين : قالي نسبة 90 % مصابة بسرطان الثدي .
راكو حابين تعرفو رد فعل تاعي !!!!!!  تبسمت و قتلو ماتكملش راك قلتها ادا حب ربي عبد ابتلاه وانا هاد البلاء نصبر غطعليه بصح غير البيبي مانقتلوش مستحيل... قالي فيه نسبة يجي مشوه من الدوا والعلاج قتلو مستحيل نداوي قبل مانولد قالي ياااا مدام بالاك تموتي قبل ماتولدي قتلو ومانقتلش وليدي رفدت روحي وخرجت لقيت منظر حطمني راجلي حاط يدو على عينيه وحاكم بلاصة يبكي مافهمتش ادا يبكي عليا ولا على ولادو لي راح يتيتمو .. وانا !!! ماعرفتش نبكي على ولادي عليه على والديا انا روحي ماتهمنيش قد ماتهمني نفسيتهم رحت ليه قتلو ياالله ولادي يستناوني .
الطريق لي بين دار وسبيطار 5 دقايق جاتني 5 قرون كل مانقرب لولادي نضعف بصح ماحبيتش نبكي مازالولي شهور معاهم مانيش حابة يشوفوني ضعيفة 3 سنين بداو يفهمو البكا واش . بصح كي يكبرو زعما يشفاو عليا يبقاو يحبوني يحتاجوني زعما يحقروهم اسئلة دور ودور ودور حتى وصلنا دخلت للدار

عجوزتي سلمت عليها و كلمة مانطقتها وحتى هيا فهمت بلي عيط وليدها وفهمها لخاطر لقيت خاوتو وخياتو ووالديه كامل في الدار حسيتها جنازتي سكاااتهم قتلني نطق شيخي وقالي ديري ربي ونبي في قلبك و بكا قتلو بابا هههه وانت علاش تبكي راك قلتها نشدو في ربي كنت كي لحجرة واقفة حتى دخلو عينيا ولادي تم طحت بالبكا والدار كامل بكات وعجوزتي كلمة ماقالتها بصح شفتها مكسورة مهمومة جاو دارنا وخاوتي وخياتي حكمني خويا وقالي ملي كنتي صغيرة واقفة وشاطرة باذن الله تولي للولادك ودارك لن يصيبنا الا ماكتبه الله قولي انا لله وانا اليه راجعون خلي ايمانك بربي قوي وجا بابا وعنقني وبكا . جوزت ليلة كحلة وانا ماطلقتش ولادي شدتهم حبيت نشبع منهم حبيت ندخل في راسهم فكرة يترباو بلا ام تقتلني فكرة ينساوني مايشفاوش عليا دمرتني صعيبة صعيبة .
واحد مارقد هديك الليلة والصباح نضت نضحك ونقصر و حكمتني عجوزتي قالتلي صح ماكنتش مليحة معاك بصح والله ماتمنيت تمرضي ولا تتوجعي مانكرهكش انتي يمات احفادي جبتيلي ملايكة للدار وان شء الله تشوفيهم عرسان قلتلها ان شءالله وسلمت علرسها وقلتلها ادعيلي . طلب شيخي بلي نريحو عندهم حتى نبراو بصح رفضت وهو حلف قالي لوكان دوخي لوكان تمرضي شكون يعس ولادك ريحي هنا حتى تبرا قلتلو مانيش راح نداوي مستحيل ووليدي في كرشي .

جازو يمااات كي لجنازة حتى واحد