قصة اسماء

انا حكايتي بدات كي كان في عمري 22سنة انا كنت الطفلة الوحيدة عند والديا بخالف خويا رياض اللي كتر مني ب 5سنين كانت الحالة المادية قاع اهلي الحمدالله مرفهين خويا كان حاب يكمل قرايتو برا البلد والحمد لله حقق حلموا وخرج قرا في لندن اما انا كنت حابة نخدم في مجال القضاء وكتبلي ربي وليت نقرا في كلية الحقوق مي كانت الكلية في ولاية خلاف الولاية الي نسكن فيها وانا كنت نخاف نبقى في الاقامة من اقوال تع السحر والحكايات حذوك. كريت دآر صغيرة في عمارة وكانت قربة من وين نقرا ومعا ليام فتحت مكتب باه نبدا نخدم. كانوا والديا يجو يزوروني كل شهر ويقعدو عندى مدة ويروحو عالجال الخدمة تاع بابا جازو اليمات وانا معا القراية والخدمة مكنتش نصاحب لبنات بزاف . قلت نتعرف علا الجيراني باه منقعدش و حدى وكيما كان الحال تعرفت على جارتي اونفاص لييا كانت مام هي صغيرة ومزوجة كانت ناس ملاح كي طيب شي حاجة تبعتلي وانا كفكيف ولات هي صحبتي. وحد النهار جيت داخلة للعمارة تلاقيت واحد العجوزة رفدة القضيان قلت خلي نساعدها ندي فيها اجر روحت ليها قتلها طاطا خليني نرفد عليك قضيان قتلي كثر خيرك بنتي واكوا تعرفو دعواة العجايز ربي يخليهم قلتلها وين تسكني قاتلي دوزيام ايطاج على لدروات ايه يعني فوق داري اكزاقت المهم وصلنا حلفت ندخل و نشرب معاها قهوة دخلت قعدت كانت دارها شابة ومسقمة تدي لعقل حكينا شوية قتلها بلي انا ساكنا وحدي ومنا وحكتلي هيا شوي علا روحا والله عجوزة تهبل المهم هبطت للداري وليت انا ولعجوزة رفقة تجي تقعد عندي ونروح عندها جازوا اليمات حتى وحد النهار قاعدة نجهز فالعشا حتى نشوف فار وليت نعيط خفت خرجت نجري بالخف ندقدق علا سميحة (جارتي انفاص) تفكرت بلي خرجت تتعشى معا رجلها وليت نندب في سعدي تفكرت طاطا مليكة جريت ندقدق فتح علييا واحد الجون يهبا اسمر وطويل وعينيه عسلي و من وراه طاطا دفشتو ودخلت عند طاطا نبكي (الله غالب صح زوتها شوي مي كانت عندي فوبيا من الفار مرة عضني قعدت شهر وانا ندير في اللبرة) وطاطا تهدي فيا مام هي خلعت وحسبت واش صرالي حتى جا حداك جون وجاب فاليز صغيرة ودربلي اللبرا تاع مهداا اه هو طبيب كي هديت حكيتلهم ماتوا عليا بالضحك قالي اعطيني مفاتيح درك انا نفكلك لبروبلام زكيما كان الحال راح قتلو وبات تما علا خاطر انا قعدت عند طاطا ونمت عندها الصباح كي فقت كان لازم نروح لداري نبدل قشي و نروح نخدم كان عندي دوبل تاع لمفاتيح دخلت لقيتو راقد فالصالة مسكين جزت للشومبرا بدلت قشي وحضرت قهوة محبيتش نودو من النوم قلت نخليه كتبتلو ورقة و شكرتو وحتيتلوا القهوة وخرجت لعسيا كي روحت من الخدمة زدت تلاقيت بيه كيما باب العمارة شكرتوا وطلعت للدار بدلت قشي وكنت جايبة شوي قاطو قلت نروح عند طاطا ونعرف شكون هذا .....
طلعت حكينا وسقسيتها قتلي هذا اسموا عصام يخدم طبيب وهو وليد ولدها والديه ماتوا كي كان صغير وهي رباتو انا دمعة طاحتلي كي حكاتلي وحد النهار جاو دارنا يقعدو عندي وكانو حابين يتعرفو على جيرانا prs كنت ديما كي نحكي عليهم للماما في تليفون لعشية غرضتهم و عرضت سميحة تعشينا وروحت سميحة ورجلها كانت شوي مريضة (كانت تتوحم) زدنا شوي وقفت طاطا وعصام روحو بابا عجبو عصام لدرجة كبيرة والديا جوزوا يمات وروحوا وحد النهار قاعدة مع اوراق تاع الخدمة حتى نسمع صوت الخبط والتكسار في دار عصام..... انا طلعت نقرعج ونشوف واش كاين انا طلعت وناقى باب مفتوح والعياط وطاطا قاعدة في لرض تبكي انا تخلعت ودخلت نجري عندها عنقتها ونهدي فيها وعصام كان قلقان لحاجة لي تجي فطريقو يكسرها وطاطا تبكيوتقولو بركا متقلق في روحك انا كي شفت طاطا في هاديك الحالة غاضتني وبكيت معاها عصام خرج و غلق الباب بقوة انا قعدت نواسي في طاطا و نهدي فيها حتى هدات ورقدت قمت قلت نروح نلم الزجاج المكسر حتى نسمع في الباب تفتح انا كنت نجمع في الزجاج حتى لقيت عصام قدامي تخلعت وقفت ريحتو كانت متعجبش (ريحة الشراب ) قتلو عصام تعيش بعدني خليني نروح لداري زاد دنا ليا كتر وانا قلبي راح يخرج من مكانو من الخوف مسكلي يدي و يزير ويقولي شكون نتي واش دخلك في حياتنا و يزير انا دفشتو بقوتي كامل وروحت نجري لداري نبكي وليت نقول في نفسي ايه واش دخلني انا وعلاه نروح ونبكي حتى لقيت نفسي رقدت نضت صباح دخلت للدوش ندوش حتى نسمع الباب يدقدق مصلحتليش نروح نشوف شكون ولا نفتح كملت دوش لبست حوايجي وجيت خارجة روحت للباركينق (كانت عندي طاكسي صغيرة برك )لقيت عصام في السيارة تاعو خرج راح يحكي معايا زربت ركبت في السيارة تاعي وديماريت لحقني وغلقلي طريق قالي حاب نحكي معاك قتلو مزروبا معنديش الوقت قتلو بعدلي svp هو دنا لهيك وانا ديماريت مزروبا روحت للخدما لعشية كي وليت تلاقيتو مهود من دارهم جا راح يحكي معايا قطعتلو لكلام وقتلو dzl مكانش لازم ندخل في امور ميخصونيش ودخلت لدار بلخف ماخليتوش منبا يهدر وجوزت اسبوع كامل نتهرب منوا محبيتش نحكي معاه مرة كنت قاعدة عند سميحة حتى نسمعو في صوت سيارة اسعاف خرجت سميحة تشوف شكون وبالخف ولات عندي وقاتلي طاطا  طاااطااا مليكة انا تخلعت وقمت نجري روحت بالخف لحقتهم l'hopital قعدت نسنا خرج عصام من عندها من الغرفة روحت نجري ليه قوتلو طاطا واش بيها قالي بلي جاتها ازمة قلبية مي دروك راهي مليحة قوتلو بغيا نشوفها قالي لازم ترتاح بعد شوي تقدري تجوزي تشوفيها قالي معليش نقعدو فالجنان تاع السبيطار نحكو قالي اسمعي مني مرة وحدة برك قوتلو اوك كيما كان الحال قعدنا فالجنان قلي أسماء كانت اول مرة نسمع اسمي بالحلاوة هادي هههههههه قالي هاديك نهار كنت زعفان وخرجت زعافي عليك dzl dzl والله ما كنت في حوالي اسمحيلي علابالي كنت قاسي معاك وقستك بزاف مي svp انساي و خلينا نكونو des amis وكان باين عليه ندمان انا محكيتش حتى كلمة قالي اسماء وصلني جوابك وقف راح يروح قتلو نسمحلك بشرط قالي اطلبي لي تحبي قتلو قولي واش خلاك تولي في هديك الحالة في لحظة شفت ملامح وجهوا تبدلو انا قتلو اا شي هذا يزعجك مشي مجبور تحكيلي قالي لا راح نحكيلك قالي بابا مات وانا صغير وخلالي ورث كبير بحكم كنت صغير كان عمي هو الوكيل على هذا الورث مي عمي كان يبحث يدي الورث كامل لنفسو وحدو ونجح في تزوير الاوراق واصبح كل شي باسمو مام الشريكة ديال باب كانت على اسمو بدللها الاسم ونسبها ليه كان يحكي وهو مدمر قوتلو عصا تسمحلي نساعدك و نمسك القضية تاعك وراح نساعدك انشاء الله قالي اسماء محبيتش نعذبك معايا
 قتلو راح يفرحني شي هدا قالي ادا نتي راح تكوني سعيدة مام انا .أنا حشمت قالى نروحو نشوفو جدا دخلنا عندها لقيناها فاقت ولقانتا
ضحكو وفرحانين مام هي فرحت جوزت 3ايام في السبيطار وخرجانها كثرو خرجاتي انا وعصام كنا نروحو ونجو مع بعضانا وحد اليوم جاو واحد لبنات يقربولو يزورو جداه أنا كنت في الكوزينة نحضر في القهوة وكانت وحد الطفلة تقريلو معايا جا عصام قالى أسماء نحتاجك دقيقة. روحت ليه قالى لقيت واحد الوثيقة تثبت بلي عمي زور كلشي انا شديتها وقريتها لقيتها بلي تفيدنا وفي جلسة وراح يكون لحكم لينا. من شدت الفرحة عنقتو بالما نفيق وهو دحك يأيما على هديك ضحكة تهبل رجعت للكوزينة لقيت هديك بنت تشوف فيا شوفا متعجبش قاتلي اسمعي بالكي عينك عال عصام. تخلصوها راح ينساك. أنا وجعني كالمها مي مخليتش حقي يضيع درت ليها وقلتلهها بطريقة ستهزاء هههههه عصام يشوف معا وحدة كيما نتي محال الزين ال طاي ال مستوى انتي هي آخر واحدا
راح يشوف فيها عصام. قتلها أنا رايحة عندى خدمتي تستنا فيا ونتي اقعدي معا الكوزينة وجيت خارجة لقيت عصام كيما الباب يضحك مشيت روحت عند طاطا قتلها اني رايحة عندى شغل اومبعد نتصل بيك قاتلي روحي بنتي وتهالي في روحك ربي يخليك لينا وهديك المصفارة راح تموت. خرجت لحقني عصام قالي أسماء درت قوتلو واش حبيت قالي لكالم هادا لييا قوتلو لواحد يشبهلك
اه  الله غالب الهدرة تاع هديك المصفرة خالتني نحكي معاه هكا قالى أوكي مي عجبتيني كي رديتي ونتمنا متكونش هدرتها آثرت فيك psk هيا متهمنيش تهميني نتي. أنا قلبت وجهي عليه ومشيت مي في قلبي فرحة كبيرة. جاز اسبوع وصل يوم الجلسة حضرت كلشي قبل ما تبدا الجلسة جا لييا عصام وقالي أسماء مهما تكون نتيجة راح نكون فرحان انك وقفتي معايا أنا قلبي بدا يخبط 100في الدقيقة دخلنا للجلسة وانا خايفة كانها اول قضية ليا بدينا نقدموا االدلة و الطرف االاخر يعارض كل طرف كمل وقدم كل شيء عندو جا وقت النطق بالقرار شفت عند عصام لقيتو يشوف عندى وعينيه يلمعو لمعة غريبة زادت من توتري. القاضي حكمت المحكمة بعد تقديم أدلة وبراهين لصاحة الطرفين بان الاملاك المختلسة من طرف ++++*تعود الى السيد عصام +***وله كامل الحرية في تصرف فيها. عصام من الفرحة جا ليا وضمني عندو وقالي كنت عارف راح تنجحي انا ملقيت واش نقول. طلقني وجبدلي حزمة من النقود وقالي هاذا حق المجهود اللي بذلتيه من أجلي شفت في عنيه وقتلو عصام شايفني مادية الدرجة هادي سواردك خليهم عندك رفدت حوايجي وجيت ماشية )حاسيت انو قل من قيمتي بالتصرف هذا كنت نستنى منوا تصرف آخر مكنتش عرفا وشي هو( روحت في الليل عيطتلي ماما حكيت معاها حتى 3 تاع صباح قاتلي بلي خويا رياض روح من لندن أنا فرحت للدرجة كبيرة لغدوة آنذاك روحت دارنا ومخبرتش طاطا من الفرحة نسيت كي وصلت لدارنا غلقت مع باه ميديرونجيونيش قعت لتما 15جوغ وروحت انا و خويا رياض في طريق فتحت تيلفون  لقيت 50 appelé  من عند عصام تخلعت كي وصلنا خويا دخل للدار يرتاح وانا روحت للمارشي نقضي للدار مكان حتى حاجة تتكل كي وليت للدار لقيت عصام قتلو عصام كيراك صافا قالي صافا ؟؟؟؟ قالي روحتي و خلتيني وحدي أنا مكنتش حاسب بلي الجاست اللي درتوا في المحكمة راح يزعجك واني روحت وبعدتي و قفلتي تيلفون انا راح نهدر جا ليا رياض وعنقني وقالي حبيبا مقلتيليش شكون هذا (خويا كان يدللني بزاف)  دنا ليا عصام وقالي في وذني جبتى حبيبك معاك ربي يهنيك معاه. انا تشوكيت كي روحت قالي رياض شكون هذا واش بيه عامل هكا محبنيش. انا قتلو نو نتا مفهمتيهش برك... قالي يخي قلتيلي راح تعرفيني عال جيرانك قتلو أيه فليل نعرضوهم يتعشو عندنا قالي أيه...
روحت نعرض سميحة لقيتها مكانش. طلعت عند طاطا( لقيت عصام تما قاتلى جوزي قوتلها لا عندى شغل جيت نقولكم تجو تتعشو عندنا نعرفكم بوحد شخص عزيز عليا بزاف. قاتلي طاطا شكون هذا. قتلها كي تجو تعرفو نخليهاكم مفاجاة وجيبي عصام تاني....قاتلي معليش إنشاء الله نجو. وكيما كان الحال جاو وقعدنا نتعشاو ونتمسخروا ورياض يقلش فييا وعصام قلبو راح يخرج.. قاتلي طاطا معرفتيناش شكون هذا قوتلها هذا حبيبي وحب حياتي ودنيتي كل عصام قريب ينود يكرفصني نطق رياض قالها متشوفيلهاش خالتي هذي ختي المهبولة ديالى هنا عصام قلبو تهنا. روحو غدوة منذاك أنا رايحة نخدم جا عندى عصام قالي صباح الخير أسماء قتلو صباح النور قالي حبيت نشكرك كي وقفتي معايا قاطعتو وقتلو هذي خدمتي ماشي مزية مني دنا ليا وضمني قالي عالبالي قستك بكلامي مي واش ندير نتي فورتيلي دمي.. قوتلو عصام انا واش بالنسبة ليك حتى تكون ردة فعلك هكا أنا كنت حابة نسمع كلمة نحبك من عندو مي  هو سكت ومجاوبنيش انا كملت طريقي جوزت 15 جوع وانا وعصام بيناتا غير صباح الخير خويا روح ورجعت نقعد وحدي فدار ...واحد اليوم الليل عمرى ماننساه كان أسوء يوم في حياتي جاني اتصال رفدت قلت الو شكون معايا وأنا تسمع صوت بكا وعباط خفت قطعت الاتصال زاد عاود رفدت عليه قالي أسماء أسماء .....