قصة بعنوان انا و معشوقتي

في اول يوم لي في الثانوية كنت قاعد نقصر مع صحابي فاذا بفتاة تمر علينا طفلة شابة زلة تلبس غير لاكلاص
المهم في الصباح كنت موم دابيتيد نروح للثانوية ماشي باش نقرا ولا نقصر مع صحابي مي باش نشوفها و طبعا درت بحث عليها وعرفت بلي اسمها فريال و تهدر غير papa w mama طفلة مقلشة بزاف و تحب تزوخ بمعنى اخر متكبرة وهي ومالفري كان علابالي بالعقلية تاعها مي كنت نحبها و نموت عليها ضربت 3 سنين و انا نتبع فيها بصح بلا ما نقولها المشاعر تاعي مي هذي المرة قررت نروحغندها ونفرغ مشاعري سيرتو كي شجعوني و فكروني بلي هذا العام الاخير اللي ممكن نتلاقا بها

درت كوراج و رحت عند فريال باش نهدر معاها لقيتها تقصر مع صحابتها اللي موالفة تدور معاهم قلت السلام عليكم شافت فيا من الفوق لتحت و قاتلي و عليكم السلام واش تحتاج موسيو انا الهدرة تلفتلي شفت فيها و قلتلها بغيت نهدر معاك وحدنا شافت فيا و هي تضحك و قالتلي اهدر انا و صحاباتي كيف كيف
انا حشمت و بعد قعدت نحكيلها على المشاعر تاعي و بلي عندي 3 سنين و انا نحب فيك قعدت غير تضحك و قاتلي انا نخرج مع واحد كيما انت اللبسة تاع الشيوخة لي راك لابسها لا كور لا والو انا غاضتني عمري نفسي عليا و مانتحملش الذل تسؤسبت و جبدت روحي حكمت الدمعة باش ماتشوفهاش فريال و تزيد تبهدلني مور هذي العفسة ضربت سمانة ماروحتش للثانوية حتى....

ا سيدي قلتلكم وصلني ميساج من رقم مجهول فتحتو لقيت مكتوب فيه انا أمال صديقة فريال انا كان علابالي بلي تحب فريال و عندك 3 سنين و انت تبع فيها و كنت كلما تشوف فيها نحس بلي كنت تشوف فيا ومع الوقت حسيت بالحب تاعك و تمنيت من قلبي لو كان تحبني انا ماشي فريال منت نتمنى في 3 سنين لي فاتو تشوف في انا و تيتسم و لو كان دقيقة لتم كنت نهدر معاك و نصارحك بحبي حتى جا هذاك النهار اللي جيت عند فريال و صارحتها بالحب التاعك كنت تهدر وانا في قلبي حاسة بواش راك تهدر باسكو كنت نحبك انا من قلبي كانت الدمعة في عيني و انا نشوف فريال تبهدل فيك فقررت نوقف معاك و نساندك سي بور سا دومنديت من فريال puce الثانية تاعها و نهدر معك و نصارحك بحبي و اليوم اخر ميساج راح نبعثولك وراح نرد puce لفريال
.
.
تشوكيت انا مين قريت الميساج و قعدت نفكر فيها و هي تبكي و تخبي الدمعة و غدوة من ذاك روحت نحوس على أمال لاني حسيت انو هي اللي كنت نحبها ماشي فريال سقسيت صحابتها و عيط لفريال و سقسيتها عليها قالتلي ماشفتهاش و غلقت البورطابل التاعها انا كرهت حياتي كي مالقيتش أمال لذلك قررت نكمل دراستي دخلت الجامعة و بعد سنوات اكملت الدراسة و اصبحت محامي كبير و مشهور و بقيت لذالك اليوم ابحث عن امال و رفضت الزواج ولكن والديا ضغطو عليا انعم تزوجت بفريال و جبت معاها بنت صغيرة و سميتها أمال وبعد عامين من المشاكل طلقتها و كسبت الحضانة في المحكمة
.
.
المهم مرة و انا في المكتب جا عندي وحد الشيخ يبكي و يطلب المساعدة و هذا الشيخ رب عائلة بسيطة عندو بنتو عندها ورم خبيث في دماغها و تختاج لعملية جراحية في الخارج و كي ماكانش عندهم الدراهم اخوها قام بسرقة دراهم من فيلا احدى الاغنياء حكموه الشرطة و دخلوه السجن كانت قضية سهلة بالنسبة لي وبعد جلسات في المحكمة خرج اخوها بالبراءة و بعد ماخلصت القضية قررت نروح للسبيطار و نشوف البنت و نطمأن على صحتها كي شافوني والديها فرحو و شكروني كي سلكت وليدهم من الحبس مع زدت عرفت بانو بنتهم فقدت الرؤية بسبب الؤرم و كي دخلت نشوفها لقيت هذي البنت هي أمال البنت التي احببتها بحثت عنها و لم اجدها بين الحياة و الموت قعدت نهدر معاها و هي تقول نعرف هذا الصوت شكون انت .. انا ماقدرتش نشوفها في ذلك الوضع و خرجت من عندها و قررت نتكفل بكل تكاليف العلاج لكن بشرط هي ماتعرفش بلي انا عاونتها وكيما كان الحال راحت امال للخارج و دارت العملية و نجحت
.
.
انعم شفيت معشوقة قلبي من ذلك الورم الخبيث و استعادت بصرها و عادت منورة كينا كانت و اكثر و بغات تعرف شكون لي عاونها باه تردلو الجميل و لو بالشكر وكي شافها خوها مصرة تعرف عطالها العنان تاع المكتب التاعي و هي مباشرة جات لعندي دخلت لقات السكرتيرة سقساتها عليا قالتلها راه في المحكمة قعدة تستنى فيا و جاءت اللحظة الحاسمة دخلت انا لقيت امال قدامي وقفت و هي مخلوعة و قاتلي هذا انت امين و الدمعة تطيح من عينيها و حضنا بعض و قررنا نتزوجو و نعيشو قصة ‫#‏اَلْـحُـبْ‬ اللي عشناها في الماضي

                                                               .......................النهاية.....................
                               رأيكم في القصة .؟ مع العلم ليست حقيقية